التخطي إلى المحتوى
محمود فايز يرد على منتقدي محمد صلاح بشأن تصريح الخمور

رد محمود فايز، مساعد المدير الفني لمنتخب مصر الأول السابق، على منتقدي اللاعب محمد صلاح قائد المنتخب الوطني، ونجم فريق ليفربول الإنجليزي بعد تصريحه الأخير بشأن شرب الخمر.

وكتب محمود فايز على حسابه الخاص بموقع التواصل الاجتماعي فيس بوك:«لما حد بيسألني من الاجانب انت ليه عمرك ما جربت الخمره ؟

قبل اجابتي بنسبة ٩٩٪؜ هو وانا واصحابنا واللي قاعدين معانا أو جانبنا في الترابيزه اجانب أو عجم. مصريين أو عرب واللي ورانا واللي قدامنا عارفين ان (المسلم) الخمره عنده حرام

فاجابتي بشكل تلقائي:

-علشان ريحتها وحشه

-شكل طعمها مش ظريف

-عمرها ما استهوتني اني اجربها اصلاً

-مش حاجه كبيره البعد عنها (مش فتنه يعني تغري الواحد)

-بتغيب عقل الواحد وانا احب دايماً اكون فايق …الخ

ده اللي بيجي في دماغي بشكل تلقائي

زي ما اتفقنا بقي خلاص. هو وانا واللي جانبنا واللي قدامنا والجيران واصحابنا والمعازيم واللي في الموضوع واللي مش في الموضوع غرب شرق يمين شمال (بشكل بديهي) عارفين ان الخمره عند المسلم حرام

فتخيل بقي اتنين مسلمين قاعدين بيتكلموا مع بعض

والسلام عليكم ورحمة الله.

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *